Xəzər Rayon İcra Hakimiyyətində 2015-ci ilin yekunlarına dair hesabat yığıncağı keçirildi.

9 fevral 2016-cı il tarixində Rayon İcra Hakimiyyəti Başçısının 2015-ci ilin yekunlarına dair hesabat yığıncağı keçirildi.
     Zirə Mədəniyyət Mərkəzində “EKO-Parkda” 300 nəfər rayon ictimaiyyətinin iştirakı ilə keçirilən hesabat konfransında Azərbaycan Respublikası Prezidenti Administrasiyasının  məsul işçisi Tağı Tağıyev, Millət Vəkili Rauf Əliyev,  Yeni Azərbaycan Partiyası Xəzər rayon təşkilatının sədri Namiq Əhmədov, Xəzər İnkişaf  Fondunun sədri Elmar Mədətov, Rayon Ağsaqqallar şurasının sədri Rövşən Salahov, RİH Başçısının müavinləri, Aparatın məsul işçiləri, hüquq mühafizə orqanlarının və xidmət sahələrinin rəhbərləri iştirak etmişdir.
        Tədbir iştirakçıları ilk öncə Ulu Öndər Heydər Əliyevin Xəzər Rayon İcra Hakimiyyətinin İnzibati binası qarşısında ucaldılmış abidəsi önünə gül dəstələri düzərək dahi şəxsiyyətin ruhuna öz ehtiramlarını bildirdilər.
Daha sonar rəsmi qonaqlar  mədəniyyət mərkəzinin foyesindəki rayonun sosial-iqtisadi göstəricilərini əks etdirən stendlərlə və  Xəzər rayonunda istehsal olunan məhsullardan ibarət təşkil olunmuş sərgi ilə tanışlıqdan sonra Xəzər rayonunun sosial-iqtisadi göstəricilərini əks etdirən filmi izləyiblər.
       Filmin nümayişindən sonra Xəzər Rayon İcra Hakimiyyətinin başçısı cənab Gülağa İslamov 2015-ci ildə görülmüş işlər haqqında hesabat məruzəsi ilə çıxış etmişdir.

     10 yanvar  2016-cı  il tarixində Azərbaycan Respublikasının Prezidenti cənab İlham Əliyevin sədrliyi ilə keçirilmiş  Nazirlər Kabinetinin 2015-ci  ilin   sosial-iqtisadi inkişafının yekunlarına həsr edilmiş iclasında  ölkə başçısı  ötən dövrdə  umumi daxili məhsul ,  qeyri-neft sektoru, əhalinin pul gəlirləri, əhaliyə göstərilən pullu xidmətlərin həcminin artmasını, Dünya İqtisadi Forumu tərəfindən rəqabət qabiliyyətinə görə Azərbaycanın  yüksək  yerə layiq görülməsini qeyd etmişdir.
Azərbaycan Respublikasının Prezidenti cənab İlham Əliyevin apardığı uğurlu siyasətin nəticəsidir ki, bölgələrlə yanaşı  Bakıətrafı qəsəbələrin də sosial- iqtisadi inkişafı bu gün sürətlə davam etdirilir. Ötən dövrdə yenidənqurma işləri Xəzər rayonunda da uğurla davam etdirilmişdir.
2015-ci ildə  rayonun iqtisadi və sosial həyatında baş verən pozitiv dəyişikliklər bütün sahələrdə yüksəlişlə müşaiət olunmuşdur.
Hesabat dövründə rayon üzrə 1818 yeni iş yeri açılmışdır. Bunun 60-ı yeni yaradılmış müəssisə və təşkilatlar, 151-i mövcud müəssisə və təşkilatlar, 1607 -i isə fiziki şəxslər tərəfindən açılmışdır. Ümumiyyətlə son 13 il ərzində rayon ərazisində 19  min  44  yeni iş yeri açılmışdır.
2015-ci il ərzində Sosial Müdafiə Fondu tərəfindən  əhaliyə pensiya və müavinətlərin ödənilməsi üçün tələb olunan məbləğ 37  milyon 604  min manat təşkil etmiş, 16 min 628 nəfər pensiyaçıya plastik kartlar vasitəsilə pensiyaların  ödənilməsi  təmin edilmişdir.
Hesabat dövründə Əhalinin Sosial Müdafiə Mərkəzinə ünvanlı dövlət sosial yardım üçün 3626 ailə müraciət etmişdir ki, bunlardan 3348  ailəyə  müvafiq komissiya tərəfindən ünvanlı sosial yardım təyin olunmuşdur. Rayon üzrə 3235  ailəyə 507 min 810  manat məbləğində ünvanlı yardımın ödənilməsi davam etdirilir.
Hesabat dövründə Məşğulluq Mərkəzinə 1374 nəfər işaxtaran vətəndaş  müraciət etmişdir.   Mərkəzdə qeydiyyatda olan qeyri-məşğul əhalinin 497 nəfəri münasib işlə təmin  edilmişdir. İşlə təmin olunmuş 497  nəfərdən,   43-ü  kvota üzrə işə düzəlmişlər.
Hesabat dövründə  «2014-2016-cı illərdə Bakı şəhəri və onun qəsəbələrinin sosial-iqtisadi inkişafına dair Dövlət  Proqramı»na  uyğun  olaraq  Sahibkarlığa  Kömək  Milli  Fondu tərəfindən   il ərzində 54 sahibkara 16  milyon manat güzəştli kredit verilmişdir. Bu  kreditlər hesabına  rayon ərazisində  354  yeni iş yeri yaradılmışdır.
2015-ci ildə rayon ərazisində fəaliyyət göstərən sahibkarlarla İcra Hakimiyyətində görüşlər keçirilmiş, onları narahat edən problemlər öyrənilmiş, fəaliyyətlərinin genişləndirilməsi məqsədilə onlara lazımi köməklik göstəriləcəyi bildirilmişdir. Eyni zamanda RİH-i Başçısının yanında süni qiymət artımının qarşısının alınması məqsədilə Komissiya yaradılmış, həmin komissiya mütəmadi olaraq monitorinqlər  keçirərək bu sahədə lazım olan məlumatları aidiyyatı qurumlara göndərmişdir.
2015-ci il ərzində  Xəzər Rayon İcra Hakimiyyəti  öz daxili imkanları hesabına  qəsəbələrdə geniş abadlıq-quruculuq işləri həyata keçirmişdir.
Mərdəkan qəsəbəsində Sergey Yesenin küçəsinin abadlaşdırılması ilə əlaqədar divarlara 7151 kvadrat metr üzlük daşı vurulmuş, piyada yollarına 910  kvadrat metr  daş döşənmiş, 390  paqon metr bardür salınmış, divarların işıqlandırılması üçün  105 ədəd işıq fənərləri quraşdırılmışdır.
Mərdəkan qəsəbəsində Sergey Yesenin küçəsində mili memarlıq  üslubunda Qala kompleksi ucaldılmış, ətrafı abadlaşdırılaraq  müasir işıqlandırma sistemi ilə təchiz olunmuşdur.
Hal-hazırda Mərdəkan qəsəbəsinin  girəcəyində sakinlərin istirahətinin təmin edilməsi məqsədilə yeni park tikilməkdədir.
Şüvəlan qəsəbəsində Heydər Əliyev və Almaz İldırım küçələrinin bəzi yerlərində hasarlar  bərpa edilərək aqlayla üzlənmiş, piyada yollarına yeni bardürlər düzülərək, bəzək daşları döşənmiş, müasir işıqlandırma şəbəkəsi quraşdırlmışdır. Həmçinin qəsəbədə yerləşən “Ana ” abidəsi kompleksi yüksək səviyyədə yenidən bərpa edilmişdir.
Qala qəsəbəsi  “Dörd yol ” adlanan ərazidə Qala, Şüvəlan, Zirə qəsəbяlərinin adlarını bildirən, müasir  memarlıq üslubunda monument quraşdırılmışdır.  Kompleksin ətrafına qazon salınmış, müxtəlif növ ağac və bəzək kolları əkilmiş, suvarma xətti çəkilmiş və ışıqlandırma sistemi quraşdırılmışdır.
Zirə qəsəbəsində Giriş qapısı yenidən  qurulmuş, ətrafı abadlaşdırılmış və qəsəbə ərazisində  ehtiyac duyulan yerlərdə 7  ədəd müasir tipli dayanacaq quraşdırılmışdır.
Türkan və Buzovna qəsəbələrində 1941-1945-ci illərdə  həlak  olanların xatirəsinə həsr olunmuş  abidə kompleksi yenidən  qurulmuşdur.
Qeyd olunan bütün bu işlər  Xəzər rayon İcra Hakimiyyətinin daxili imkanları  hesabına, heç bir dövlət vəsaiti xərclənmədən  həyata keçirilmişdir.
Yaşıllıqların salınması ilə əlaqədar 2015-ci  il ərzində rayon ərazisində idarə,  müəssisə və təşkilatların iştirakı ilə  58  min 519  ağac əkilmişdir. Onlardan 25000-i zeytun, 3519-u  çinar, 30000 -i  eldar şamı və kiparis ağacı olmuşdur. Hazırda  da  ərazilərdə yaşıllıqların salınması və onlara aqrotexniki qulluq  işləri  davam etdirilir.
Hesabat dövrundə qəsəbədaxili  asfalt yolların çəkilişi  və cari təmiri istiqamətində Xəzər RİH tərəfindən bir çox  işlər görülmüşdür. Belə ki,   Şüvəlan  qəsəbəsində 18 min 200 kvadrat metr, Mərdəkan qəsəbəsində 11 min 600 kvadrat metr, Şağan qəsəbəsində 16 min kvadrat metr, Buzovna qəsəbəsində 4 min 800 kvadrat metr, Zirə qəsəbəsində 2400 kvadrat metr olmaqla cəmi rayon üzrə 53 min kvadrat metr yeni asfalt örtüyü salınmışdır.
Xəzər rayon Mənzil Kommunal Təsərrüfatı Birliyi tərəfindən  ərazidə olan 135 zibil  meydançasından 101 min 506 kub metr  məişət və digər bərk tullantılar yığılaraq daşınmışdır. Xidmət ərazisində olan 550  konteynerdən 59 ədədi təmir olunmuş, 24 ədədi yenisi ilə əvəz edilmişdir.
2015-ci ildə Birlik tərəfindən qəsəbələrin  məhəllədaxili küçələlərinə 9 min 710 kvadrat metr asfalt örtüyü salınmışdır. MKTB-nin xidmət ərazilərindəki hündürmərtəbəli  binaların dam örtüklərinin 10 min kvadrat  metr hissəsi cari təmir olunmuşdur. «Abad məhəllə» nominasiyası üzrə  Birliyin xidmət ərazisində Buzovna  qəsəbəsində 2 , Binə qəsəbəsində  1 , Şüvəlan qəsəbəsində 2 ünvanda  olmaqla 5 abad məhəllə yaradılmışdır. Xəzər rayon Mənzil-Kommunal  Təsərrüfatı Birliyi tərəfindən  bu  kimi işlər bu gün də davam etdirilir.
Qaz təchizatı ilə bağlı hesabat dövründə rayonunun Qaz İstismar sahəsi tərəfindən əhalinin təbii qazla təminatının yaxşılaşdırılması  istiqamətində  Mərdəkan, Binə,  Buzovna,Qala,  Şüvəlan, Şagan qəsəbələrində ümumilikdə  48  min 267 paqon metr  qaz xətti çəkilmiş və dəyişdirilmişdir.
Rayonda  əhali tərəfindən istifadə olunan təbii qazın ödənişi 100,3 faiz, abonentlərin ödənişdə  iştirakı isə 93  faiz olmuşdur.
Elektrik enerjisi təchizatı sahəsində Rayonun Enerji Təchizatı və Satış İdarəsi tərəfindən əhalinin elektrik enerjisi ilə təchizatını yaxşılaşdırmaq məqsədilə rayon ərazisində 15  ədəd yeni transformator məntəqəsi quraşdırılmış, 26 ədəd güc transformatoru dəyişdirilmiş, 953  ədəd transformator təftiş olunub, təmizlənib və cari təmir olunmuş, 52 min 717  metr kabel, 83 min 725  metr naqil çəkilib və dəyişdirilmişdir.
Hesabat dövründə əhali tərəfindən elektrik enerjisinin dəyərinin ödənilməsi 101.1 faiz, abonentlərin ödənişdə iştirakı 84 faiz, sayğaclaşma isə 99  faiz təşkil etmişdir.
Su və kanalizasiya sahəsi üzrə hesabat dövründə Xəzər Su-Kanal İdarəsi  tərəfindən ümumilikdə  müxtəlif ölçülü  1067  paqon metr istismara yarasız su boruları dəyişdirilmiş, 107 min 768 paqon metr su xətti çəkilmiş,  3450 evə su birləşməsi verilmiş, 2181 ədəd  smart tipli sayğac quraşdırılmışdır. Əhalinin su təminatını yaxşılaşdırmaq məqsədilə 6 ədəd su quyusunun  nasosları  yenisi ilə əvəz edilmiş, 81 ədəd su nasosu təmir edilmişdir.
Kanalizasiya xəttləri üzrə ötən dövrdə  mexaniki üsulla və maşınla  31 min 560 paqon metr kanalizasiya xətti, 35 ədəd yağış  barmaqlığı yuyularaq təmizlənmişdir .
Hesabat dövründə  ümumilikdə 3 milyon 427 min manatlıq su və kanalizasiya xidmətləri göstərilmiş, əvvəlki debitorlar da daxil olmaqla 3 milyon 692  min manat yığım aparılaraq ödənişə  107.7   faiz nail olunmuşdur.
Hesabat dövründə Heydər Əliyev Fondu,  Dövlət  Proqramı və digər, investisiya layihələri çərçivəsində  qəsəbələrdə bir çox obyektlərin təmiri, tikintisi və yenidənqurulması işləri həyata keçirilmiş və bu işlər bu gün də davam etdirilir.
Belə ki,  Mərdəkan qəsəbəsində 91 nömrəli  körpələr  evi-uşaq bağçasının, «Dalğa» ailəvi istirahət  Mərkəzinin açılışı olmuş, Müalicə Pansionatının, 2 nömrəli ümumi internat məktəbinin, Sərhəd  Qoşunları Xüsusi Məktəbinin yeni tədris  korpusunun tikintisi və təmiri  işləri aparılmaqdadır.
Şüvəlan qəsəbəsində 2 və 4 nömrəli  Xüsusi İnternat məktəblərinin açılışı olmuş, Şimal DRES-in ikinci blokunda isə tikinti  işləri tamamlanmaq üzrədir.
Binə qəsəbəsində 84 nömrəli körpələr evi-uşaq  bağçasının açılışı olmuş, «Bakavtomat» zavodunun yanında yeni uşaq bağçasının  tikintisi, Peşə Litseyinin təmiri, Binə  qəsəbəsinin mərkəzi Əli İsazadə  küçəsinin genişləndirilməsi işləri davam etdirilir.
Buzovna qəsəbəsində  340 nömrəli körpələr evi-uşaq bağçasının, müasir standartlara  cavab verən Yarımstansiyanın açılışı  olmuş, 144 nömrəli uşaq bağçasının, İdman  Tədris Bazasının, İdman Mərkəzinin, Tibbi Reabilitasiya Mərkəzinin, 7 nömrəli Ağciyər Xəstəlikləri Dispanserinin tikintisi işləri  aparılmaqdadır.
Şağan qəsəbəsində Mədəniyyət Mərkəzi və Şahmat  məktəbinin tikintisi  yekunlaşmaq üzrədir.
Zirə qəsəbəsində  yüksək səviyyədə tikilmiş Zirə Mədəniyyət Mərkəzinin,  «Eko Akademiyanın», qəsəbəyə içməli suyun verilməsinin  açılış mərasimləri olmuş, uşaqlar üçün istirahət düşərgəsinin,  «Cümə Məscidinin», Su anbarının, Sərdarov adına  zavodun filialının tikintisi davam etdirilir.
Türkan qəsəbəsində Dövlət Sərhəd Sahil  Mühafizəsinin Gəmi  İnşası və təmiri zavodunun, qəsəbəyə içməli su verilməsinin, mərkəzi yolun işıqlandırılmasının açılış  mərasimi olmuş, Türkan İdman Мərkəzinin tikintisi davam etdirilir.
Qala qəsəbəsində GEMS Dünya  Akademiyasının tikintisi  və Qala-Pirallahı  magistral yolunun genişləndirilməsi işləri  davam etdirilir.
Göründüyü kimi  sosial və digər obyektlərin təmiri, tikintisi bütün qəsəbələrdə  aparılır və bu işlər  gələcəkdə də davam etdiriləcəkdir.
Ötən dövrdə  rəsmi dövlət bayramları və ictimai siyasi əhəmiyyət kəsb edən digər tarixi hadisələrlə bağlı rayon ərazisində geniş ictimaiyyətin iştirakı ilə kütləvi tədbirlər keçirilmişdir.
Novruz bayramı münasibətilə Zirə  Mədəniyyət Mərkəzinin qarşısında bayram şənliyi təşkil edilmiş, 700 nəfər iştirakçı üçün bayram süfrəsi açılmışdır. Bayram konserti  və  tonqal  ətrafında şənlik təşkil olunmuş, xalqımızın qədim və zəngin adət-ənənələrini özündə əks  etdirən tamaşalar göstərilmiş, Heydər Əliyev Fondu tərəfindən şəhid, əlil və digər aztəminatlı ailələrə  ərzaq  yardımı paylanılmışdır.
Ulu ondər Heydər Əliyevin anadan olmasının 92-ci ildönümü ilə əlaqədar tədbirlər planına müvafiq olaraq Mərdəkan Mədəniyyət Mərkəzinin  qarşısında Gül bayramı təşkil olunmuş, rayonun  idarə-müəssisə və təşkilatları, o cümlədən  məktəblər, yaradıcılıq mərkəzləri, uşaq bağçaları və ayrı-ayrı yaradıcı şəxslər tərəfindən müxtəlif kompozisiyalar nümayiş etdirilmişdir.
15  iyun Milli Qutuluş günü ilə əlaqədar yenidən qurulan  Heydər Əliyev adına Parkda 5 mindən çox tamaşaçının iştirakı ilə bayram konserti keçirilmişdir. Konsert proqramı İctimai televiziyanın efirində canlı yayımlanmış və Respublikanın tanınmış sənət adamları maraqlı proqramla rayon ictimaiyyətinin nümayəndələri qarşısında çıxış etmişdirlər.
Bundan başqa «20 yanvar», «Xocalı Soyqırımı»  günü,  «Qurban» bayramı, Dünya Azərbaycanlılarının həmrəylik günü münasibətilə də Xəzər rayon Yeni Azərbaycan Partiyası ilə birlikdə  bir sıra tədbirlər keçirilmiş, Heydər Əliyev Fondu və Xəzər RİH tərəfindən şəhid ailələri, müharibə veteranları, aztəminatlı ailələrə ərzaq yardımı verilmişdir.
2015-ci ilin yadda qalan hadisələrindən  biri də  1 noyabr tarixində Parlament  seçkiləri ilə bağlı olmuşdur. Seçkilərlə əlaqədar olaraq Xəzər rayon  İcra Hakimiyyətinin səlahiyyətlərinə aid olan bütün  məsələlər yüksək səviyyədə təşkil  edilmiş, məntəqələrdə normal iş şəraiti yaradılmış, seçkilərin azad, ədalətli, demokratik, şəffaf  keçirilməsi  təmin olunmuş, nəticədə rayon  seçiciləri ən yüksək göstəricilərlə  Mehriban xanım  Əliyevanı  və Rauf Əliyevi Millət Vəkili  seçmişlər.
Digər önəmli hadisə isə ölkə Prezidenti  cənab İlham Əliyevin və Millət Vəkili  Mehriban xanım Əliyevanın ilin son  günündə Zirə qəsəbəsində tikilmiş Zirə Mədəniyyət  Mərkəzinin açılış mərasimində iştirak  etmələridir. Həmin tədbirdə Prezident İlham Əliyev  rayon ictimaiyyətinin  nümayəndələri ilə çox səmimi görüş keçirmiş, onları dinləmiş və öz qiymətli  tövsiyələrini vermişdir.
2015-ci il ərzində Xəzər RİH Aparatına 2654  ərizə, şikayət və müraciət,  2418 xidməti sənəd daxil olmuşdur. Daxil olmuş 2654 ərizə və muraciətdən 1208-i müsbət həll edilmiş, 1387 ərizəyə lazımi izahat və təkliflər verilmiş, 23-ü  əsassız sayılmış, 15-i  aidiyyatı üzrə göndərilmişdir.
Hesabat dövründə Xəzər rayon İcra Hakimiyyəti Başçısının qəbulunda 96 nəfər vətəndaş olmuş, onlardan 64  müraciət müsbət həll edilmiş, 32  müraciətə izahat verilmişdir.
Ötən dövrdə vətəndaşların İcra Hakimiyyətində qəbul edilməsinin və müraciətlərinə baxılmasının bir qismi elektron formada həyata keçirilmişdir.
2015-ci  il ərzində RİH-i Başçısı tərəfindən qəsəbələrdə 24 səyyar qəbul keçirilmiş, həmin qəbullarda  2862 sakin iştirak etmiş və 88 müraciət səslənmişdir. Müraciətlərdən asfalt örtüyünün salınması, təbii qaz problemləri, su-kanalizasiya və nəqliyyat problemləri üstünlük təşkil etmişdir. Səyyar qəbullarda  qeyd edilən təkliflərlə bağlı isə aidiyyatı qurumlara müraciətlər göndərilmişdir.
Müqayisə üçün qeyd etməliyik ki,  2014-cü ildə Xəzər RİH Aparatına 3380 ərizə və şikayət daxil olmuşdur. Keçirilən səyyar görüşlərin, İcra Hakimiyyətində aparılan qəbulların və görülən  digər tədbirlərin  o cümlədən bəzi müraciətlərin yerindəcə həll  olunması nəticəsində 2015-ci ildə ərizə və şikayətlərin sayı ötən ilə nisbətən  22 faiz azalmışdır.
2015-ci ilin yekunlarına dair qəsəbə nümayəndəliklərinin hesabat yığıncaqlarında  səslənən təklif və müraciətlərdən bir daha məlum olur ki, görülən işlərlə yanaşı yerlərdə hələ də həllini tapmamış  bəzi problemlər qalmaqdadır.
Sakinləri ən çox narahat edən bir sıra problemlərin həllinə nail olunmuşdur. Belə ki, Xəzər RİH-i tərəfindən  görülən tədbirlər nəticəsində Şüvəlan qəsəbəsinin  Mayak ərazisində bir neçə il öncə çəkilmiş qaz xətti  şəbəkəsinə təbii qazın  verilişi  təmin edilmiş, Binə qəsəbəsinin Xəqani, Məmmədyarov, Rəhmanov, Abbasov küçələrində illərlə dayandırılmış təbii qaz təchizatının bərpa edilməsinə, həmçinin Binə qəsəbəsinin mərkəzi Əli İsazadə küçəsinin genişləndirilməsi işlərinə başlanılmışdır.
Digər problemlərin həlli istiqamətində isə xüsusilə Buzovna qəsəbəsinin Albalılıq yaşayış massivinin qazlaşdırılmayan  küçələrində qaz xətlərinin çəkilməsi, rayon ərazisindəki  hündürmərtəbəli binaların istilik təchizatının bərpası, qəsəbədaxili küçələrin asfaltlaşdırılması, magistral yollarda piyada  keçidlərinin quraşdırılması, qəsəbələrdə içməli  su xətlərinin çəkilməsi məsələləri ilə bağlı aidiyyatı qurumlara yenidən müraciətlər ediləcəkdir və  həmin problemlərin  həll olunması üçün müvafiq, təxirəsalınmaz tədbirlər görüləcəkdir. Xəzər RİH-i mütəmadi olaraq rayon  sakinlərini, eləcə də rayon ərazisində müvəqqəti məskunlaşmış məcburi köçkün ailələrini  narahat edən problemləri öyrənir, onların həlli istiqamətində  qabaqlayıcı tədbirlər görür, ölkə  Prezidentinin qarşımıza qoyduğu tapşırıqların  yüksək səviyyədə yerinə yetirilməsinə  ciddi əməl edir.
Əmin ola bilərsiniz ki, Xəzər rayonu qarşıdakı dövrdə də Azərbaycan Respublikası Prezidentinin fərman, sərəncam və tapşırıqlarının  vaxtında və keyfiyyətlə icrası, vətəndaşlarımızın layiq olduqları rifahlı yaşayışının təmin edilməsi üçün bütün imkanları səfərbər edərək, qarşıya qoyulan vəzifələrin öhdəsindən layiqincə gəlməyə çalışacaqdır.